حرامي كل العالم داعين عليه راكب موتوسيكل وسرق تليفون من على الدائري ناحية بهتيم في شبرا الخيمة وده شيء عادي وطبيعي بيحصل كل يوم..
المصيبة اللي حططت فوق دماغ الحرامي ده إن التليفون يطلع بتاع الزميل محمود راغب في اليوم السابع وكان عامل بث مباشر عن الزلازل النهارده.
طبعا الحرامي مش عارف ولا واخد باله وطاير بالموتوسيكل واللايف لسه شغال فحصل زي ما حضراتكم شايفين كده حاطط وشه في الكاميرا والعالم كله شافه ما شاء الله.
مدير أمن القليوبية بنفسه تدخل في الموضوع وخلال وقت قليل جدا هيكون الحرامي طالع لايف جديد بس في الحجز إن شاءالله.
تحت تصنيف
ميديا وتلفزيون